شعری از استاد بهرام صاحبدل درباره آنا

جانیم آنــا، گؤزوم آنــا

دیلده شیرین سؤوزیم آنــا

وئردین بویا، باشامنی

قؤربان سنه اؤزوم آنا

قؤلاغیمدالای- لای سسین

چالیر محبّت نغمه‌سین

آی باشیمین تاجی، سنی

آللاه بیزه چوخ گؤرمه‌سین

سن دونیادا هر زادیمسان

من قؤش اولسام، قانادیمسان

عشقین درسین آلدیم سندن

سن محبّت اوُستادیمسان

یاشا آنــا عزّتیلن

بوُعنوانا فخر ائتگیلن

سندن سوُوای بوُدونیادا

یوخ محبّت قدرین بیلن

سن شانیمسان، وقاریمسان

دونیادا افتخاریمسان

گول، قوی گولسون باغدا گول‌لر

سن منیم‌شان باهاریمسان

سینه‌ن محبّت اوجاغی

گؤزلرین عشیقن بوُلاغی

گول سینه‌نده بسله میسن

آنا منی اوُشاق چاغی

گؤزوم آنا، جانیم آنا

مارال آنا، خانیم آنا

باغشلادین حیات منه

قؤربان سنه جانیم آنا

سوزولور بال دوداغیندان

گونش دوغور یاناغیندان

ای بهشتین گؤزل قوُشو

قوی بیر اؤپوم آیاغیندان

گؤزل سسین، عشقین سازی

اؤیرنیب گول سندن نازی

گولسن آچار باغدا گول لر

سن گول گتیر، بیزه یازی.

بهرام صاحبدل

منبع: ماهنامه خوی نگار

بالا