آنا یوردوم، خوی

آنا یوردوم، خوی

ای سؤمه‌لی یورد، ای آنامــین شانلی دریاری

     بنیـاد حیـاتیــن قویـولوب سنــده قـــراری

سن بسله‌دین اصلان تک ایگیت‌لر قوجاقیندا

     تا خـوار ائده عثمانلینــی، تاتاری، تــــزاری

تا سـخت حــصارین واریــدی دور بـرینده

   جــرأت ائده بیــگانه باخـمازدی یوخــــاری

دشمن، سنه مــردانه گوروب ال تاپا بیـلمـز

   نـامردلیق ائدرکن آشیروب ییخدی حـــصاری

خَندق‌لریوی ایمدی سوکرکن گورونور کــی

   تــوپراقــین اولوب دشمنیـن آخرده مـــزاری

توپـــلار قـاباقیـندا باشیـنی اَگمـدین اصلا

                                                             وئـردون قـابـاقـا سینه‌وی گوردوقجا فــشاری

« اورین» داغی‌تک قانلی دوگوشلرده دایاندین

                                                             اثبـات ائلــدون عالــمه تـمکیـن و وقـــاری

بیر دوره سنی تک‌له‌دی عثمانلی، سمیـتـقـو

                                                             امّا سنه اونلارین اوخـــی الــمادی کــــاری

داغلاریوین اوسته منیم آهیمدی نه دودمان

                                                         چایــلارین آرا صانکی اوره‌ک قانیدی جـــاری

باش قوزادین عالم‌ده بوتون حادثه‌لـــردن

                                                          شاهـددی « مُطلب» خانــلان شمس منـــاری

«سلماس»و «اورومیّه»و «ماکو»و « مرندین»

                                                          جـان قــورتارانی قویدی بوتون یوز سنه ســاری

مین‌لَرجه جوان ئولدی خاتون کورپوسی اوسته

                                                          دینجــلمــدی تا دشمنـی ائتـمیـنـجه فــراری

مــردانه‌لیقین درسیـنی آلـمیش بـابـالاردان

                                                       آزادلــیقن اولــوب آغــزیمیزین ورد و شـعاری

باخسان «قوطورون» داغینا دقّتله گوررســن

                                                     آلمیش «قالادا» قـوینونـا کـوراوغـلی، نگــاری

چوخداندی چیخوب خاطره‌لردن سنیـن آدون

                                                     مــدّت‌دی که دوران ائـلمــــور یـاد سنــی، آری

ای «خوی» یرینین آرخاسی ای زوربا جوانلار

                                                     آیـریـلمیین آخ بیـربیـریــنیزدن سیــزی تـــاری

همّت ائلیون ئولکه‌میزین شأنی اوجــــالسین

                                                     پارلانسیــن اوره‌ک‌لـــرده گــنه عـشق شــراری

آزاده اولان ظـالـــمه دنیـــاده بــاش ایمز

                                                     گیـــــــم ســالالار گـــــردنـیه حـلقــه داری

اشعاریـوه وئـر خاتـمه بسدور داخـی « انزاب»

قـیش گـونـلری قورتارمــادادور گؤزله بهـاری

شعر از استاد غلامرضا انزابی‌پور

بالا